Партыя БНФ ускладае адказнасць на ўлады

Аўтар: Мария Шульц I 20 снежня 2010 г. 15:57

Выбарчы штаб Партыі БНФ рашуча асуджае масавыя фальсыфікацыі выбараў з боку беларускіх уладаў, а таксама правакацыі на плошчы і брутальны разгон мірных удзельнікаў акцыі пратэсту ў Мінску, жорсткае збіццё і затрыманні журналістаў і праваабаронцаў, ператрусы на офісах грамадзкіх арганізацыяў.

“Мы лічым, што вынікі выбараў, забяспечаныя такімі гвалтоўнымі дзеяннямі, не могуць быць прызнаныя за свабодныя і справядлівыя ні беларускім грамадствам, ні міжнароднай супольнасцю.

Мы выказваем салідарнасць з усімі затрыманымі і патрабуем неадкладнага вызвалення Рыгора Кастусёва, ўсіх іншых кандыдатаў у прэзідэнты, усіх удзельнікаў мірнай акцыі пратэсту, затрыманых 19 і 20 снежня ў Мінску і ў рэгіёнах.

Выбарчы штаб Партыі БНФ і наш кандыдат у прэзідэнты Рыгор Кастусёў заўсёды выступалі і выступаем за выключна мірны характар акцыяў пратэсту. Толькі мірным шляхам мы можам дамагчыся перамогі ў нашым змаганні за свабоду, незалежнасць і вяршэнства закону. Мы асуджаем гвалтоўныя дзеянні, учыненыя асобнымі грамадзянамі, якія далі ўладам фармальныя падставы для дыскрэдытацыі мірнай акцыі пратэсту. Аднак мы перакананыя, што народ даведзены да адчаю масавымі фальсыфікацыямі, і таму на беларускіх уладах непараўнальна значна большая віна, чым на палітычна няспелай частцы беларускай апазыцыі”, — гаворыцца ў заяве выбарчага штабу Партыі БНФ.

Крынiца: Народная Воля

Друкаваць Даслаць сябру

Памер шрыфта

Share |