Мікалая Статкевіча прымушаюць напісаць прашэнне аб памілаванні

У тэлефоннай размове са сваёй дачкой Кацярынай палітвязень сказаў, што 28 кастрычніка,  пасля таго, як ён чарговы раз адмовіўся пісаць прашэнне, прадстаўнікі адміністрацыі калоніі заявілі, што цягам паўгода ён будзе пазбаўлены спатканняў.

Мікалай Статкевіч не выключае, што ціск на яго будзе ўзмацняцца і нават могуць адбыцца розныя здарэнні, але, нягледзячы на гэта, пісаць прашэнне аб памілаванні ён ні ў якім разе не будзе, бо лічыць гэта здрадай тым людзям, якія знайшлі ў сабе грамадзянскую мужнасць і выйшлі 19 снежня ў дзень галасавання на Плошчу.

Палітык запэўніў дачку, што параненая рука яшчэ не залячылася, але ідзе на папраўку. Пры гэтым адміністрацыя калоніі задзейнічае яго на працы і прымушае піліць вялікія бярвенні.

Палітык паведаміў, што яму забараняюць аформіць шлюб з Марынай Адамовіч.

 

 



Крынiца: Народная Воля