Надвор'е: 17.05.2012
галоўнае онлайн:
Юрася Карэтнікава будуць судзіць у Савецкім судзе
Аўтар: У судзе Савецкага раёна будуць судзіць грамадскага актывіста Юрася Карэтнікава, якога затрымалі супрацоўнікі міліцыі. На кватэры Карэтнікава зрабілі ператрус.
Згодна з адміністрацыйным пратаколам, актывіста абвінавацілі ў дробным хуліганстве. Паплечнікі і сябры Юрася Карэтнікава чакаюць, калі яго прывязуць у суд.
Раней Юрась узначальваў маладзёжную арганізацыю “Правы альянс”, якая была зарэгістравана Мінгарвыканкамам. Пасля таго, як арганізацыю пазбавілі юрыдычнай рэгістрацыі, яна спыніла сваё існаванне, а яе сябры ўтварылі новую грамадзянскую кампанію.
Сябры “Правага альянсу” ладзілі пікеты супраць распаўсюджвання наркаманіі ў беларускім грамадстве, патрабавалі прыцягнуць да адказнасці гандляроў наркатычнымі рэчывамі, праводзілі розныя мерапрыемствы, каб прыцягнуць увагу грамадскасці да палітычнай і эканамічнай сітуацыі ў краіне і парушэння фундаментальных правоў чалавека.
Крынiца: Народная Воля
Навіны
абмеркаванне