Гоша Куцэнка ладзіць канцэрт у Мінску

Музычная кар’ера Куцэнкі пачалася ў 1997 годзе, з 2004-га ён выступаў з групай «Anatomy of Soul», а ў 2008-м сабраў новы склад музыкаў. Шырокай публіцы музычная творчасць Гошы вядома па саўндтрэку да фільмаў «Дзікуны», «Марс», «Чацвёртае жаданне», «Любоў-Морква-2», дуэтам з Тэонай Дольнікавай, Крысцінай Арбакайтэ і салісткай гурта "Чы-Лі" Ірынай Забіяка, кампазіцыя «Казкі» ў 2009 годзе стала лідарам музычных чартаў і ратацый, а кліп карыстаецца вялікай папулярнасцю на ТБ і ў інтэрнэце.

У маі 2010 года акцёр і музыкант Гоша Куцэнка выпусціў свой дэбютны альбом "Мой свет". Праца над альбомам вялася некалькі гадоў.

Музычны праект Куцэнкі складана аднесці да нейкага музычнага стылю, у ім сабраны арт-рок, фанк, эйсід-джаз, трып-хоп, рэп. Тэксты таксама не традыцыйна песенныя, гэта рэальныя гісторыі пра жыццё, каханне, жанчын.

"З нецярпеннем чакаю сустрэчы і рыхтую незабыўны вечар, -- анансуе Гоша Куцэнка свой прыезд у Мінск. -- Буду спяваць, расказваць, слухаць вас і, магчыма, чытаць вершы».