Нацыянальны конкурс “Брэнд года” прадзюсіруе спектакль-прысвячэнне беларускаму бізнесу

У конкурсе сцэнарыяў выйграў твор студэнткі трэцяга курса Беларускай дзяржаўнай акадэміі мастацтваў Святланы Хацько, якая і занялася рэжысурай спектакля. Дэбютная пастаноўка дзяўчыны стане цэнтральнай падзеяй фінальнай цырымоніі нацыянальнага конкурсу “Брэнд года”, якая пройдзе 27 студзеня ў Нацыянальнай бібліятэке.

“Гэта пастаноўка сапраўды прысвечана бізнес-супольнасці, -- заўважыла Жанна Грынюк. -- Яна вельмі важная для нас, бо яшчэ раз нагадвае пра тое, наколькі беларускі бізнес цесна супрацоўнічае з сацыяльнымі праектамі. Даны праект адрозніваецца ад звычайнай дабрачыннасці. У такім выпадку бізнесмен проста выдзяляе грошы на творчы эксперымент. Зараз уся наша кампанія зацікаўлена ў выніку, мы перажываем за гэты праект”.

Насуперак выказванню аб тым, што мастак павінен быць галодным, але незалежным ад матерыяльнага, юны рэжысёр Святлана Хацько адчувае сябе камфортна, рыхтуючы п’есу аб духоўнасці для бізнесменаў -- самых меркантыльных людзей у свеце.

“Я б хацела, каб пасля прагляду майго спектакля глядач адарваўся ад гэтага матэрыяльнага, тленнага свету і паляцеў у свет духоўны, у неба, -- заўважыла рэжысёр-сцэнарыст Святлана Хацько. -- Каб чалавек пераасэнсаваў сваё існаванне на гэтай зямлі і адкрыў усё хараство чалавечай душы”.