У калоніі судзяць Мікалая Статкевіча

У Шклоўскай калоніі № 17 сёння адбудзецца суд над экс-кандыдатам у прэзідэнты, палітвязнем Мікалаем Статкевічам.

Адміністрацыя ўстановы патрабуе пакараць палітвязня ўзмоцненым рэжымам з пераводам яго ў крытую турму на тры гады.

Разглядаць справу будзе шклоўскі суддзя Волкаў. У калонію ўжо накіраваўся адвакат. Жонку Статкевіча Марыну Адамовіч, якая прыехала ў Шклоў, не пусцілі ў калонію на працэс, бо гэта, маўляў, не прадугледжана заканадаўствам.

Спадарыня Марына сказала карэспандэнту Радыё Свабода, што не спадзяецца на справядлівы вырак:  "Калі б усё адбывалася па справядлівасці, то гэтага суда не было б”. Паводле яе інфармацыі, у Міколы Статкевіча праблемы са здароўем, ён моцна кашляе.

Каля калоніі дзяжураць журналісты.