Статкевічу далі тры гады турэмнага рэжыму

12 студзеня 2012 г. 12:56

У Шклоўскай калоніі № 17 адбыўся суд над экс-кандыдатам у прэзідэнты, палітвязнем Мікалаем Статкевічам.

Міколу Статкевічу прысудзілі тры гады крытай турмы. Як і прасіла адміністрацыя калоніі, палітвязня прызналі злосным парушальнікам рэжыму. Пастанова суда не прадугледжвае абскарджвання. Зняволеным крытай турмы дазволены толькі адно кароткае спатканне са сваякамі за год, адна бандэроль вагой да двух кілаграмаў замест цяперашніх трох да 30 кілаграмаў.

Мікола Статкевіч выглядае добра і вырак успрыняў мужна. Яго жонка, Марына Адамовіч, назвала пастанову суддзі несправядлівай, але чаканай. Сказала, што на іншае і не спадзявалася. «Правасуддзе ў Беларусі ўжо даўно памерла», -- заявіла Адамовіч Радыё Свабода.

Як вядома, адміністрацыя ўстановы патрабавала пакараць экс-кандыдата ў прэзідэнты ўзмоцненым рэжымам з пераводам яго ў крытую турму на тры гады.

Разглядаў справу шклоўскі суддзя Волкаў. Жонку Статкевіча Марыну Адамовіч, якая прыехала ў Шклоў, не пусцілі ў калонію на працэс, патлумачыўшы, што гэта не прадугледжана заканадаўствам.

Крынiца: Народная Воля

Друкаваць Даслаць сябру

Памер шрыфта

Share |