Пералом у Афганiстане

Вашынгтон даўно гэтага дамагаўся. Перамовы будуць весцiся ў амбасадзе талiбаў, якая адчынiцца ў Катары. Пра гэта пiша „Gazeta Wyborcza”.
На думку амерыканскiх вайскоўцаў i палiтычных аналiтыкаў, вайна ў Афганiстане прымае ўсё больш крывавы характар. Без пагаднення з талiбамi яе нельга будзе скончыць.
Два гады таму амерыканцы заплацiлi шмат долараў пераапранутаму купцу з базару ў пакiстанскай Квэце, якi выдаваў сябе за пасланнiка талiбаў. У вераснi чарговы пасланец талiбаў забiў у Кабуле Рабанi, якi ад iмя прэзiдэнта Афганiстана шукаў кантакту з талiбамi. З трэцяй спробы амерыканцам удалося завязаць кантакт з пасланнiкамi эмiра талiбаў мулы Амара. Гэта адбылося ў Катары, пры пасярэднiцтве немцаў i катарцаў, якiя пагадзiлiся на адкрыццё талiбскай амбасады ў сваёй сталiцы.
У сваю чаргу талiбы пагадзiлiся на размовы пра вывад войск заходняй каалiцыi з Афганiстана.
Гэта толькi пачатак працэсу, кажа газеце Валi Наср, дарадца прэзiдэнта Абамы ў афганскiм пытаннi. Поспех перамоў будзе залежаць ад таго, цi пагодзяцца бакi пайсцi на саступкi. Першай праверкай будзе абмен ваеннапалоннымi. Галоўнай перашкодай у далейшых перамовах памiж ЗША i талiбамi могуць стаць прэзiдэнт Афганiстана Хамiд Карзай і ўлады Пакiстана.