ЗША прызналі супрацоўніцтва з экс-прэзідэнтам Ліберыі

Выданне The Boston Globe паведамляе, што гэтую інфармацыю прадставілі на запыт журналістаў 6-цігадовай даўніны амерыканскія разведслужбы разам з ЦРУ. Супрацоўнікі гэтых ведамстваў прызналі, што працавалі з Тэйларам, які потым стаў дыктатарам яшчэ напачатку 80-х. 

Ад Тэйлара ім патрэбна была інфармацыя пра дзейнасць лівійскага лідара Муамара Кадафі, пра пастаўкі зброі ў Афрыку і інтарэсы СССР у рэгіёне. Хутчэй за ўсё за супрацоўніцтва амерыканцы дапамаглі Чарльзу Тэйлару ў 1985 годзе збегчы з бастонскай турмы, дзе яго трымалі па абвінавачанню ў карупцыі на радзіме. У 1998 годзе Тэйлар вярнуўся ў Ліберыю, а ў 1997-ым стаў прэзідэнтам. 

На гэтай пасадзе ён прабыў да 2003 года і пакінуў яе пад ціскам ЗША. У 2006 годзе міжнародны трыбунал у Гаазе абвінаваціў Тэйлара ў вайсковых злачынствах, канібалізме, гвалтаваннях, а таксама ў незаконным гандлю наркотыкамі і алмазамі ў часы грамадзянскіх войнаў 1989-2003 гадоў, якія адбываліся на тэрыторі Ліберыі і суседняй С’ера-Леоне.