Кіло налева, кіло направа -- расстрэл!

“Нашы бізнесвумен пакутуюць на “хваробу глянцавых часопісаў”, -- канстатуе асістэнт кафедры гігіены і медыцынскай экалогіі БелМАПА Ірына Машчанка. -- Яны імкнуцца быць максімальна падобнымі на эталон. Дзелавыя жанчыны хочуць быць першымі ва ўсім. Дзеля гэтага яны ідуць на ўсё. А дыеты не заўжды адпавядаюць прынцыпам рацыянальнага харчавання. Строгае абмежаванне ў ежы для арганізма таксама стрэс. Замест таго каб перабудаваць сваё харчаванне на рацыянальны лад, жанчыны катуюць сябе жорсткімі дыетамі”.

Акрамя аслаблення ад галадання, тонкі жаночы арганізм яшчэ пакутуе ад шкоднага ўздзеяння мабільных тэлефонаў, ноўтбукаў, планшэтаў. Дзелавая жанчына размаўляе па тэлефоне гадзінамі, а спецыялісты рэкамендуюць працягваць размову не больш за 3--5 хвілін…