Японскія навукоўцы прапанавалі адмяніць межы галактык

Аўтар: Любоў ЛУНЁВА I 15 лютага 2012 г. 15:40

Японскія фізікі і матэматыкі з унівэрсітэтаў Токіо і Нагоі лічаць, што няма сэнсу гаварыць пра мяжу галактыкі. Яны зрабілі свае высновы на падставе вынікаў камп’ютарнага мадэліравання і іх супастаўлення з дадзенымі астранамічных назіранняў.

У часопісе The Astrophysical Jour навукоўцы пішуць, што ў галактык няма пазначаных межаў прадстаўлення матэрыі. Навала зорак гэта толькі вузлы, паміж якімі расцягваецца сетка цёмнай матэрыі Сусвета. Гэта здымае паняцце масы галактыкі, паколькі навала зорак не з’яўляецца асобным утварэннем ў прасторы.

Згодна з тэорыяй Энштэйна, галактыка скрыўляе сваім гравітацыйным полем траекторыю праменя, які праходзіць блізу альбо праз яго. Адбываецца так званае “гравітацыйнае лінзіраванне”. Навала зорак гэта яскравы аб’ект, таму сам эфект лінзіравання заўважыць цяжка, але з яго дапамогай можна высветліць размеркаванне цёмнай матэрыі ў Сусвеце. Навукоўцы змаглі змадэліраваць становішча цёмнай матэрыі ў адносінах да галактык, абапіраючыся на дадзеныя, якія былі атрыманыя з дапамогай тэлескопа SDSS.

Такім чынам непасрэднае назіранне цёмнай матэрыі немагчыма, бо яна не выпускае электрамагнітнага выпраменьвання і не ўзаемадзейнічае з ім. Але дагэтуль няма пацверджання ніводнага з меркаванняў навукоўцаў наконт таго што менавіта з’яўляецца цёмнай матэрыяй.

Крынiца: Народная Воля

Друкаваць Даслаць сябру

Памер шрыфта

Share |