Вершы на асфальце

 Сярод удзельнікаў -- творцы з Беларусі, Украіны, Славакіі, Швецыі, Расіі… Усім аматарам літаратуры безумоўна будуць вядомыя такія імёны, як Андрэй Адамовіч, Валянцін Акудовіч, Маргарыта Аляшкевіч, Міхал Анемпадыстаў, Ігар Бабкоў, Раіса Баравікова, Лявон Баршчэўскі, Алеся Башарымава, Генадзь Бураўкін, Вера Бурлак, Ася Волкава, Леанід Галубовіч, Адам Глобус, Аксана Данільчык, Леанід Дранько-Майсюк, Галіна Дубянецкая, Віктар Жыбуль, Каця Зыкава, Анатоль Івашчанка, Югася Каляда, Зміцер Колас, Ігар Кулікоў, Валерыя (Валярына) Кустава, Уладзь Лянкевіч, Кацярына Маціеўская і многія іншыя.

Пачнецца фестываль 25 лютага а 15 гадзіне. Гледачы пачуюць згадкі Міхася Стральцова, чытанні беларускіх і замежных паэтаў. Падзеі будуць адбывацца ў канферэнц-зале Інстытуту імя Гётэ ў Мінску. Уваход вольны.