Мікалаю Аўтуховічу ў ізалятар перадалі медаль

Аўтар: Delinia I 25 студзеня 2010 г.

Адвакат Павел Сапелка наведаў у мінскім следчым ізалятары Мікалая Аўтуховіча і перадаў яму памятны медаль да 20-годдзя пачатку вайны ў Афганістане, якім беларуса ўшанавала расійская грамадская арганізацыя воінаў-афганцаў.

Пасведчанне да медаля падпісаў славуты камандуючы 40-й арміяй, губернатар Маскоўскай вобласці генерал Павел Громаў. Дарэчы, Мікалай Аўтуховіч — ветэран баёў у Афганістане, мае не толькі юбілейныя, але і баявыя ўзнагароды.

Нагадаем, што прадпрымальнікі з Ваўкавыска Мікалай Аўтуховіч і Уладзімір Асіпенка знаходзяцца пад вартай з 8 лютага мінулага года. Іх абвінавачваюць у падрыхтоўцы тэракту супраць высокапастаўленых дзяржаўных чыноўнікаў і ў падпале дома ваўкавыскага міліцыянера. Сваёй віны яны не прызнаюць і зараз рыхтуюцца да суда. Дарэчы, паводле слоў генеральнага пракурора Рыгора Васілевіча, справа будзе разглядацца ў адкрытым пасяджэнні. Але дата пакуль не прызначана.

ДАРЭЧЫ

Мікалай Аўтуховіч, Уладзімір Асіпенка, Юрый Лявонаў і Арцём Дубскі прызнаны беларускімі палітвязнямі. Міжнародная праваабарончая арганізацыя Human Rights Watch у штогадовай справаздачы за 2009 год па выкананні правоў чалавека ў розных краінах свету.

"Тое, што яны прызнаныя палітвязнямі, мяне не вельмі радуе як сам факт існавання палітычных зняволеных у Беларусі. Але я лічу, што гэта правільная адзнака", — сказаў адвакат Мікалая Аўтуховіча Павел Сапелка.

Тэмы:

Друкаваць Даслаць сябру

Памер шрыфта

Share |