Дзень Волі. Онлайн-рэпартаж (фота + відэа)

19.55

 Акцыя скончылася.

19.50

Прадстаўнік інфармацыйнай групы Аляксандар Ластоўскі паведаміў журналістам, што будзе дадзеная прававая ацэнка арганізатарам акцыі, якія не паслухаліся папярэджаньняў і пайшлі недазволеным маршрутам.

Тым часам людзі ля вуліцы Петруся Броўкі паціху разыходзяцца. Міліцэйскае кіраўніцтва дало загад, каб спэцназ у форме сышоў. Засталіся супрацоўнікі ў цывільным, яны падыходзяць да купак людзей, і прапануюць ім разысьціся. Акцыя скончаная.

19.25

Удзельнікі акцыі прарваліся праз першы ланцуг АМАПа. На вуліцы Броўкі стаіць блізу 10 аўтазакаў.

19:20

Частка людзей рушыць у бок плошчы Якуба Коласа.

На вуліцы Петруся Броўкі шлях ім прагарадзілі супрацоўнікі міліцыі.

19:13

Частка людзей засталася стаяць са сцагамі ля Акадэміі навук. Там жа працуюць і сілавікі, якія шукаюць выбуховае прыстасаванне.

Паводле інфармацыі ГУУС Мінгарвыканкама асобы, якія быццам бы збіраліся сёння правесці тэрракт, прыляцелі ў Мінск авіярэйсам.

Паводле назіральнікаў у акцыі прысвечанай Дню Волі прыняло ўдзел каля 1500 чалавек.

Зараз уздоўж праспекта Незалежнасці людзі расцягнуліся ў ланцуг.

Над праспектам лунаюць дзясяткі бел-чырвона-белых сцягоў.

18:53

Сустаршыня незарэгістраванай партыі Беларуская Хрысціянская Дэмактратыя Аляксей Шэін выступіў з заключным словам.

Ён заклікаў прысутных далучыцца да акцыі, якая ініцыянавана Беларускім незалежніцкім блокам. Сутнасць у тым, каб збіраць подпісы пад зваротам да прэзідэнта Беларусі. Ініцыятыва паляягае ў тым, каб прызнаць 25 сакавіка і 8 верасня дзяржаўнымі святамі Беларусі.

На гэтым мітынг скончыўся. Прысутным на акцыі прапавана было стаць з бел-чырвона-белымі сцягамі ўздож праспекта Незалежнасці.

18:48

Прэс-сакратар сталічнага УУС Аляксандр Ластоўскі паведаміў, што ў выпадку выканання арганізатарамі акцыі Закона аб массавых мерапрыемствах міліцыя не будзе ўжываць сілу.

18:45

Аляксандра Мілінкевіча на святкаванні Дня Волі няма. Зараз ён знаходзіцца ў Страсбургу на з'ездзе Еўрапейскай народнай партыі.

"Рух за свабоду" на акцыі прадстаўляюць Віктар Карняенка і Алесь Лагвінец.

18:35

Як паведаміў карэспандэнту "Народнай Волі" старшыня "Правага альянсу" Юрась Карэтнікаў, ён быў затрыманы па дарозе да Акадэмі навук, і зараз знаходзіцца ў аддзяленні міліцыі.

Мітынг працягваецца.

Ідзе хапіс у БХД.

18:20

Мітынг распачаў старшыня Партыі БНФ Аляксей Янукевіч.

Ён падкрэсліў, што ў многіх сферах жыцця існуючая ўлада праводзіць антынародную палітыку. У той жа час ён аб'явіў, што Партыя БНФ распачынае месячнік беларускай дабрачыннай салідарнасці. У межах гэтай акцыі ён заклікаў не заставацца ў баку ад чужой бяды і фінансава дапамагчы хворым беларускім дзецям.

18:12

Як толькі што паведаміў старшыня Партыі БНФ Аляксей Янукевіч, ніякага шэсця ўдзельнікі святочнай акцыі не плануюць.

Мітынг мае адбыцца на прыступках перад Акадэміяй навук.

18:02

Прэс-сакратар ГУУС Мінгарвыканкама Аляксандр Ластоўскі распавёў карэспандэнту "Народнай Волі" што, як афіцыйна заявіў начальнік мінскай міліцыі Леанід Фармагей, група асобаў, якая прыбыла з Расіі, сёння падчас Дня Волі рыхтуе правесці тэрарыстычную акцыю, якая аналагічна той, што адбылася 3 ліпеня 2008 года.

Па словах Ластоўскага зараз міліцыя збіраецца прадухіліць любыя правакацыі.

17:55

На пляцоўцы каля Акадэміі навук зараз знаходзіцца каля 150 чалавек.

Толькі што на месцы правядзення акцыі з'явіўся адзін з заяўнікаў акцыі Віктар Івашкевіч. Супрацоўнікі міліцыі папярэдзілі яго аб тым, што па іхняй інфармацыі на плошчы каля Акадэміі навук павінна з'явіцца група асабаў з іншых краін свету, якая рыхтуе првакацыю.

"Белая воля" разгарнула свае расцяжкі

ДАІ тлумачыць рэквізаванне апаратуры неабходнасцю праверкі дакументаў і прапануе пасільную дапамогу ўдзельнікам шэсця ў дэфіляванні па вуліцы Сурганава на Плошчу Бангалор. Моўчкі.

Віктар Івашкевіч заяўляе, што найлепшым варыянтам - застацца ля Прэзідыума і так правесці мітынг.

17:35

На пляцоўцы ля Акадэміі навук пачынаецца збірацца народ. Розныя групкі. Чалавек 50. У арганізатараў рэквізавалі апаратуру.

17:29

10 аўтазакаў з міліцыяй стаіць за Філармоніяй за Плошчай Якуба Коласа.

Вуліца Дарашэвіча і Петруся Броўкі застаўленыя аўтазакамі міліцыі. Але міліцэйскіх загароджаў пакуль няма.

Сярод спецназаўцаў — прыгожыя спецназаўкі ў форме.

17.15

Вуліца Дарашэвіча застаўленая аўтазакамі міліцыі.