Надвор'е: 05.02.2012
галоўнае онлайн:
Праблема аўтамытаў патрапіць у перадвыбарчую праграму Мілінкевіча
Аўтар: I 9 чэрвеня 2010 г. 16:13 I Каментарыі (0)
Беларускія ўлады недаравальна задоўга працягваюць трымаць у падвешаным стане уладальнікаў аўтамабіляў, заявіў лідэр Руху “За Свабоду” Аляксандр Мілінкевіч.
“Дасюль невядома, што будзе далей з мытамі на ўвоз машын для фізічных асобаў. Ці то зраўняюцца яны з расейскімі, ці то не. Спачатку планавалася, што тарыфы ўніфікуюца з 1 ліпеня, затым праз нафтавыя спрэчкі мытня паведаміла, што захаваюцца старыя стаўкі. Паведамілі пра падрыхтаваны пратакол часовых выняткаў з рэжыму адзінай мытнай прасторы тавараў, што ўвозяцца фізасобамі. Нібыта дамовіліся, што нічога не зменіцца да 2012 года. Але гэта на экспертным узроўні. Тут Лукашэнка з Мядзведзевым дамаўляюцца абмеркаваць кампрамісныя варыянты вырашэння праблемаў Мытнага саюза… Наш народ ператварыўся ў закладніка і цярпіць ад гандлёвых войнаў і гульняў”, - кажа Аляксандр Мілінкевіч.
“Гэта вельмі адчувальнае пытанне для амаль усіх беларускіх сем’яў. Людзі хочуць хаця б простай пэўнасці: што будзе… Якая ж тут дзяржава для народа?! Людзі то мітусяцца, то вычэкваюць. Праз вялікую палітыку, камбінацыі і амбіцыі народ не мусіць пакутваць”, - заявіў Аляксандр Мілінкевіч прэс-службе руху “За свабоду”.
Па словах Мілінкевіча, гэтая актуальная праблема абавязкова знойдзе адлюстраванне ў ягонай перадвыбарчай праграме. Апрача таго, старшыня Руху “За Свабоду” заявіў, што падтрымлівае ініцыятыву Партыі БНФ аб правядзенні аўтарэферэндума.
Крынiца: “За Свабоду”
Навіны
Дадаць каментарый