Надвор'е: 24.05.2012
галоўнае онлайн:
СПОРТ
Аляксандр Глеб зноў пакуе чамаданы
“Барселона” плануе расстацца з Аляксандрам Глебам і прапануе беларуса англійскім клубам “Сандэрленду” і “Астан Віле”, паведамляе The People.
Па звестках брытанскага выдання, каталонцы ацанілі Глеба ў 10,5 мільёна долараў, але гатовы знізіць кошт да 6 мільёнаў. Адзначаецца, што адной з перашкод пераходу беларуса можа стаць яго высокі заробак.
“Не магу ні пацвердзіць, ні абвергнуць гэту інфармацыю, — пракаментаваў “Еўрарадыё” гэтую навіну менеджэр Глеба Мікалай Шпілеўскі. — Зразумела, што мы будзем весці перамовы з “Барселонай”, і нешта будзе вырашацца, але пакуль мы ў стане чакання. Не ад нас усё залежыць, таму ў дыялогу ўсё будзе зразумела, куды нам рухацца далей. Калі казаць неафіцыйна, сітуацыя можа змяніцца за некалькі гадзін”.
Шпілеўскі адзначыў, што 16 ліпеня Глеб вылятае ў “Барселону” і прыступае да трэніровак з каталонскім клубам, з якім ён звязаны кантрактам.
Навіны
абмеркаванне