Надвор'е: 24.05.2012
галоўнае онлайн:
З НАТУРЫ
Ці дурань пісаў, ці п'янтос які...
Выбачайце за рэзкасць, але ж не магу ўстрымацца. На магазіне "Прадукты" ў нашым Светлагорску ўбачыла вялікую шыльду з прыгожым беларускім словам і толькі хацела ўзрадавацца, як нібы па лбе нешта стукнула: гэта адкуль жа, якім чынам так бязглузда, недарэчна ў нашанскіх "Вячорках" рускае "и" выцесніла "і" законнае?
Абсурд нейкі, як ні кажы. І бачаць гэты абсурд (за які, няцяжка здагадацца, грошы заплачаны) шматлікія пакупнікі, прахожыя. Бачаць школьнікі, гадаюць — можа, настаўнікі іх няправільна вучаць, самі прыдумалі неіснуючае "і"?
Між тым, зразумела, ні адна шыльда не з'яўляецца самахоць, без нагляду адказных "дзядзькоў, у тым ліку — розных ідэалагічных службоўцаў. Куды, цікава, яны глядзяць, за што свае аклады атрымліваюць? Дзе і як самі вучыліся, калі не зважаюць на гэткае пасмешышча, што рэжа вока?
…Адна толькі літарка, а ў ёй, бы ў кроплі вады, — пагардлівае стаўленне да роднай мовы, якое літаральна насаджаецца дзяржавай.
З павагай —
Валянціна ПАЖЫЛАВА,
жыхарка г.Светлагорска.
Навіны
абмеркаванне