Еўракамісар абвяргае Аляксандра Лукашэнку

Фюле заявіў у інтэрв'ю БелаПАН, што 8—9 ліпеня "скарыстаўся першым афіцыйным візітам у Беларусь, каб нагадаць: павага фундаментальных правоў і свабод — аснова палітыкі Еўрасаюза ў дачыненні да суседзяў і ключавы фактар развіцця двухбаковых стасункаў… Толькі паважаючы гэтыя фундаментальныя, усеагульныя каштоўнасці, Беларусь зможа поўнасцю скарыстацца патэнцыялам, які прапаноўвае ЕС як у рамках Еўрапейскай палітыкі добрасуседства ў цэлым, так і палітыкі "Усходняга партнёрства" ў прыватнасці", — заявіў Фюле.

Нагадаем, што Аляксандр Лукашэнка, каментуючы сустрэчу са Штэфанам Фюле, заявіў, што пытанні палітыкі і дэмакратызацыі падчас сустрэчы не закраналіся і ўвогуле назваў гэтыя пытанні "смярдзючымі".

Дзіўная сітуацыя… Хіба толькі перакладчыкі ўжо самі выбіраюць, што з прамоў перакладаць, а што ігнараваць.